Presidentja e vendit, Vjosa Osmani, ka uruar presidentin e sapozgjedhur të Gabonit, Brice Oligui Nguema, për fitoren në zgjedhjet e 13 prillit 2025.

Në postimin e saj në platformën X, Osmani shprehu gatishmërinë për të punuar së bashku me presidentin Nguema për të thelluar miqësinë ndërmjet Kosovës dhe Gabonit, duke theksuar rëndësinë e bashkëpunimit të ndërsjellë për të mirën e qytetarëve.

“Urime Presidentit Oligui Nguema për fitoren zgjedhore. I uroj çdo sukses gjatë mandatit të tij. Pres me padurim të punojmë së bashku për të thelluar miqësinë ndërmjet Kosovës dhe Gabonit—në të mirë të qytetarëve tanë dhe në frymën e respektit e bashkëpunimit të ndërsjellë,” ka shkruar Osmani.

Congratulations to President @oliguinguema on his electoral victory.

I wish him every success in his mandate. I look forward to working together to deepen the friendship between Kosovo and Gabon—for the benefit of our citizens and in the spirit of mutual respect and cooperation.… pic.twitter.com/DWF1sbaSg4

— Vjosa Osmani (@VjosaOsmaniPRKS) April 15, 2025